पुणे : महाराष्ट्र साहित्य परिषदेच्या वतीने माजी संमेलनाध्यक्ष राजेंद्र बनहट्टी यांच्या गौरवार्थ प्रतिवर्षी दोन व्याख्यानांचे आयोजन केले जाते. या वर्षी या व्याख्यानमालेत लेखिका आणि विधानपरिषदेच्या उपसभापती डॉ. नीलम गोऱ्हे यांची व्याख्याने होणार आहेत.
मंगळवारी (२३ जुलै) डॉ. गोऱ्हे यांचे ‘स्त्री आणि समाजकारण’ या विषयावर व्याख्यान होणार असून, बुधवारी (२४ जुलै) त्या ‘स्त्री आणि राजकारण’ या विषयावर आपले विचार मांडणार आहेत. ही व्याख्याने ‘मसाप’च्या माधवराव पटवर्धन सभागृहात सायंकाळी ६.१५ वाजता होणार आहेत.
या वेळी महाराष्ट्र साहित्य परिषदेचे कार्याध्यक्ष प्रा. मिलिंद जोशी, चैतन्य बनहट्टी, प्रमुख कार्यवाह प्रकाश पायगुडे, कोषाध्यक्ष सुनिताराजे पवार उपस्थित राहणार आहेत.
